Тропарь, глас 2-й  

Богом умудрéнную блаженную старицу Матрону, земли Тульския процветéние и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатйся. Пресéльница же и странница на земли бывши, ныне в чертозех Небесных Престолу Божию предстоит и молится о душах наших.

Молитва Святой блаженной Матроне

О блажéнная мати Матрóно, душéю на небеси пред Престолом Бóжиим предстоящи, тéлом же на земли почиваеши, и данною ти свыше благодатию различная чудеса источаеши. Призри ныне милостивным твоим оком на ны, грéшныя, в скорбех, болéзнех и греховных искушéниих дни свой иждивающия, утéши ны отчаянныя, исцели недуги наши лютыя, от Бóга нам по грехом нашим попускаемыя, избави нас от многих бед и обстояний, и умоли Господа нашего Иисуса Христа простйти нам вся наша согрешéния, беззакония и грехопадéния, имиже мы от юности нашея даже до настоящаго днé и часа согрешихом, да твоими молйтвами получйвше благодать и вéлию милость, прославим в Троице Единаго Бога, Отца и Сына и Святаго Духа, ныне и присно и во вéки веков. Аминь.

Молитва Святой блаженной Матроне

Молитва Святой блаженной Матроне